بابا غلام شاہ بادشاہ یونیورسٹی میں2 روزہ سالانہ ثقافتی میلہ شروع

بابا غلام شاہ بادشاہ یونیورسٹی میں2 روزہ سالانہ ثقافتی میلہ شروع
100طلبہ کریں گے اپنی فنکاری،اداکاری وگلوکاری کامظاہرہ
راجوری:۲۸،ستمبر:جے کے این ایس : یونیورسٹی کے طلباء کی تخلیقی صلاحیتوں کو منانے کے لئے کلچرل اینڈ لٹریری کلب، بابا غلام شاہ بادشاہ یونیورسٹی نے2 روزہ سالانہ کلچرل میلے2022 کا انعقاد کیا۔جے کے این ایس کے مطابق وائس چانسلر بی جی ایس بی یونیورسٹی پروفیسر اکبر مسعود نے2 روزہ ثقافتی میلے کا افتتاح کیا اور افتتاحی اجلاس کی صدارت کی۔ اپنے خطاب میں پروفیسر اکبر نے ایسے ثقافتی پروگراموں پر خوشی کا اظہار کیا جو کیمپس میں ثقافتی مداخلت کو سب کے فائدے کیلئے بڑھانے کی طاقت رکھتے ہیں۔ انہوں نے کہا کہ بی جی ایس بی یونیورسٹی ایک متنوع ثقافتی ماحول کو فروغ دیتی ہے اور ہر طالب علم کو تعلیمی میدان سے ہٹ کر اپنی دلچسپیوں کو آگے بڑھانے کیلئے موقع دیتی ہے۔ پروفیسر اکبر مسعودنے کہاکہ سالانہ ثقافتی میلہ ہر سال منعقد کیا جائے گا تاکہ طلبہ کو اپنی صلاحیتوں کو ظاہر کرنے کے لئے ایک پلیٹ فارم مہیا کیا جا سکے۔پروفیسر اکبر نے تقریب کے انعقاد پر یونیورسٹی کلچرل اینڈ لٹریری کلب کی کاوشوں کو سراہا۔100 سے زائد طلباء مختلف زمروں میں حصہ لیں گے جن میں گانے، رقص، شاعری، اسٹینڈ اپ کامیڈی فیس پینٹنگ کے مقابلے شامل ہیں۔ڈاکٹر دانش اقبال رینہ، کنوینر یو سی اینڈ ایل سی نے خطبہ استقبالیہ پیش کیا۔ ڈاکٹر لیاقت نیئر ممبر، کوآرڈینیٹر شعبہ اردو اور ممبر یو سی اینڈ ایل سی نے افتتاحی اجلاس کی کارروائی چلائی۔ ڈاکٹر فرخندہ آنا نے شکریہ ادا کیا۔اس موقع پر رجسٹرار محمد اسحاق، ڈین ایس او ای ٹی پروفیسر آصف حسین، جوائنٹ رجسٹرار مسٹر سنیت گپتا، ڈپٹی رجسٹرار مسز شبینہ نذیر، مختلف شعبہ جات کے سربراہان، فیکلٹی ممبران، یونیورسٹی کے شعبوں ومحکموں کے افسران اور عہدیداران، طلباء اور ریسرچ اسکالرز موجود تھے۔